Ġurija

Mertxe Alarcón twieldet f'Barċellona. Hi fotografa ta' esperjenza. Flimkien ma' fotografi Spanjoli oħra ppubblikat ktieb fuq il-fotografija jismu “Cazadores de luz”, tan-National Geographic.

Bħalissa, Mertxe Alarcón hi l-editriċi grafika tal-magazin VIAJES National Geographic Spain u hi wkoll fotografa li taħdem għal rasha.

Clemente Bernad twieled f'Pamplona fl-1963. Studja l-fotografija, il-vidjow u ċ-ċinema fl-Università ta' Barċellona, minn fejn iggradwa. L-ewwel proġett tiegħu kien iffokat fuq il-ħaddiema ta' Jum Andalusija u x-xogħol tiegħu kellu temi soċjali qawwija li qatt ma kienu ġew ittrattati qabel. Ħadem fuq proġetti interessanti bħal Vision Mediterranean, Malaga Body and Shadow u Women Without Land li għalih irċieva l-Premju FotoPres fid-Drittijiet Umani.

Ix-xogħol fotografiku tiegħu jinsab f'Arles RIP, VISA pour l’image u f'bosta wirjiet oħra. Għandu interess qawwi fil-pajjiż Bask u fis-sena 2000 lesta proġett twil jismu Basque Chronicles. Ippubblika l-ktieb “Malika’s Dream” fl-2004 u għamel l-ewwel dokumentarju tiegħu dwar l-istess suġġett. Illum, qed jaħdem fuq diversi proġetti fl-Amerka Latina, fil-Lvant Nofsani u fi Spanja.

Miguel Ángel Gaüeca twieled f'Bilbao, fi Spanja, fl-1967. Iggradwa mill-Universidad del País Vasco u ħa sehem f'għadd ta' wirjiet, ewlenija fosthom it-"Transexual Express” f'BILBAO Arte u fl-edizzjonijiet tagħha f'Barċellona u f'Budapest. Ix-xogħlijiet tiegħu jinsabu fil-ġabriet tal-Museo Nacional de Arte Reina Sofia, fl-ARTIUM f'Vitoria u fl-Instituto de la Juventud de Madrid.

Gaüeca għadu għaddej fuq il-ġabra personali tiegħu fejn qed juża reklami foloz li jpoġġuh fi rwol primarju bl-għan li jikseb għarfien aħjar tal-periklu tas-soċjetà tal-konsum. Ix-xogħol jipproponi li wieħed jieħu lill-artista bħala l-punt tat-tluq biex jirrifletti dwar id-dinja tal-arti.

Ambroise Tézenas Imwieled f'Pariġi fl-1972, Ambroise Tézenas studja fl-Applied Arts School ta' Vevey fl-Iżvizzera qabel mar Londra fejn kiteb għal għadd ta' magazins. Fl-2000, reġa' lura f'Pariġi u kompla jikteb għall-magazins u jieħu sehem f'kampanji ta' reklamar. Dan l-aħħar kien involut fi proġett personali dwar il-pajsaġġi, li għadu għaddej, u li jinkludi l-pajsaġġ li dejjem jinbidel ta' Beijing.

Ix-xogħol tiegħu jinsab f'pubblikazzjonijiet bħat-Time Magazine, Der Spiegel u The New York Times. Fl-2006 rċieva l-Premju għall-Fotografija ta' Leica European Publishers.

Peter Rimmer twieled fir-Renju Unit u hu kittieb għal rasu, editur u konsulent fil-komunikazzjoni. Ħadem għal 16-il sena sħaħ bħala Direttur tal-Informazzjoni mal-UK Health and Safety Executive (HSE), sa tmiem l-2003. Hu wkoll il-president tal-ġurija tal-festival tal-films internazzjonali dwar is-saħħa u s-sigurtà fix-xogħol fil-Kungress Mondjali tas-Saħħa u s-Sigurtà fuq il-Post tax-Xogħol.

Rimmer ħadem b'mod sħiħ fl-Ewropa fuq il-Proġett PHARE u fuq proġetti ta' Ġemellaġġi, fi sħubija ma' kollegi Ewropej fil-produzzjoni tal-vidjows. Dawn jinkludu wkoll is-serja ta’ films animati, hu Evalwatur għall-Health Promotion Wales, the Corporate Standard. Jikteb għall-magazin Safety & Health Practitioner u hu l-editur tal-Health Protection Matters, magazin ippubblikat mill-UK Health Protection Agency (HPA).